Albania News Agency

Sipas autoriteteve tajlandeze dhe kamboxhiane, pavarësisht thirrjeve nga OKB, SHBA dhe Kina për t'i dhënë fund luftimeve, që nga dita e enjte të paktën 32 persona kanë humbur jetën dhe mbi 200,000 janë zhvendosur.

Të dyja palët fajësuan njëra-tjetrën për nisjen e konfliktit të fundit kufitar dhe për përplasjet e vazhdueshme.

Disa orë pas deklaratës së Trump, qeveria tajlandeze tha të dielën se nuk ishte "gati" për të ndalur operacionet ushtarake dhe akuzoi Kamboxhian për bombardime të rënda ndaj civilëve në provincën Surin, në kufi dhe në disa zona të tjera.

Trump deklaroi se i kishte paralajmëruar liderët e Tajlandës dhe Kamboxhias se nuk do të nënshkruante marrëveshje tregtare me asnjërin vend nëse përplasjet vdekjeprurëse në kufi do të vazhdonin.