Albania News Agency

Trump bëri këtë deklaratë gjatë një dreke zyrtare në Shtëpinë e Bardhë me presidentin e Argjentinës, Javier Milei.

Ai tha: “Jam shumë i vendosur për çështjen e dollarit dhe kushdo që dëshiron të punojë me dollarin është në avantazh krahasuar me ata që nuk e bëjnë. Për të gjitha vendet që duan t’i bashkohen BRICS-it, s’ka problem, por do t’u vendosim tarifa doganore... Të gjithë u tërhoqën. Të gjithë po largohen nga BRICS.”

“BRICS ishte një sulm ndaj dollarit, dhe unë u thashë: nëse doni të luani këtë lojë, do të vendos tarifa për të gjitha produktet tuaja që hyjnë në SHBA. Ata më thanë: në rregull, po largohemi nga BRICS... Tani as nuk flasin më për këtë çështje,” shtoi Trump.

Grupi, i krijuar fillimisht nga Brazili, Rusia, India dhe Kina, tani ka dhjetë anëtarë të plotë: Brazili, Rusia, India, Kina, Afrika e Jugut, Egjipti, Etiopia, Irani, Emiratet e Bashkuara Arabe (EBA) dhe Indonezia.