Albania News Agency

Duke publikuar letra në Truth Social, ish-presidenti amerikan kishte vënë në shënjestër më herët atë ditë shtatë vende – Filipinet, Brunein, Moldavinë, Algjerinë, Libinë, Irakun dhe Sri Lankën – përmes tarifave të ashpra të eksportit që do të hyjnë në fuqi më 1 gusht.

Pasdite të mërkurën, Trump shmangu një letër standarde për Brazilin dhe kritikoi çështjen ndaj Bolsonaros, që kishte të bënte me përpjekjet e tij për të përmbysur humbjen në zgjedhjet e vitit 2022. Trump e përshkroi Bolsonaron si mik dhe kujtoi se në vitin 2020, kur të dy ishin në pushtet, e kishte pritur atë në resortin e tij Mar-a-Lago.

“Kjo çështje nuk duhet të ndiqet,” shkroi Trump në letrën e publikuar të mërkurën në Truth Social. “Kjo është një GJUETI SHTRIGASH që duhet të përfundojë MENJËHERË!”

Ai shtoi se tarifat prej 50% ndaj Brazilit do të jenë "të ndara nga të gjitha tarifat sektoriale".

Pas lajmit, valuta braziliane real ra me më shumë se 2% kundrejt dollarit amerikan.

Presidenti i Brazilit, Luiz Inácio Lula da Silva, hodhi poshtë si kërkesën e Trumpit për të ndaluar procedurat ligjore kundër Bolsonaros, ashtu edhe pretendimin për ekzistencën e një deficiti tregtar që kërkon vendosjen e tarifës doganore prej 50% ndaj importit nga Brazili.

Në një deklaratë të publikuar në rrjetet sociale dhe në faqen zyrtare të qeverisë, presidenti brazilian iu përgjigj me pika akuzave të ngritura në letrën e Trumpit të mërkurën.