Albania News Agency

Trump tha se do të vendosë një tarifë universale prej 10% për të gjitha mallrat e importuara të huaja dhe tarifa "reciproke" ndaj dhjetëra vendeve që ai pretendon se "kanë mashtruar Amerikën".

Tarifa universale prej 10% hyn në fuqi më 5 Prill, ndërsa tarifat reciproke më 9 Prill.

Gjatë një fjalimi të gjatë në kopshtin e Shtëpisë së Bardhë, Trump tha: "Unë mendoj se kjo është një nga ditët më të rëndësishme në historinë amerikane. Amerika është plaçkitur, shkatërruar dhe përdhunuar nga partnerët tregtarë për dekada. Shumë herë, miqtë janë më të këqinj se armiqtë."

Trump paraqiti një tabelë me taksat e "padhurueshme" të vendeve të tjera ndaj SHBA-së. Ai tha se Kina vendos 67% tarifa ndaj SHBA-së, ndërsa tani SHBA do të vendosë 34%. BE merr 39%, tani do të jetë 20%. Mbretëria e Bashkuar do t'i nënshtrohet tarifës bazë prej 10%.

Kanadaja dhe Meksika përjashtohen sipas një marrëveshjeje ekzistuese tregtare.

Trump deklaroi se përllogaritjet përfshijnë "manipulim valutor dhe barriera tregtare", por Shtëpia e Bardhë nuk dha detaje teknike.

Ai kritikoi politikën e BE-së për ndalimin e importit të pulës, tarifat e Kanadasë për produktet e qumështit dhe tarifat japoneze për orizin.

Tarifat e reja janë shtesë e atyre ekzistuese: 20% për mallrat kineze, 25% për çelik dhe alumin, dhe 10% për energjinë e importuar nga Kanadaja.

Që nga e enjtja, do të hyjë në fuqi edhe një tarifë 25% për të gjitha automjetet e importuara dhe pjesët e tyre.

Trump: "Këto tarifa do të sjellin një rritje që nuk është parë ndonjëherë më parë."

Qëllimi: të kthejë prodhimin në SHBA dhe të përgjigjet ndaj politikave të padrejta tregtare.