Albania News Agency

Grupi rus i prodhimit të parfumeve, kozmetikës dhe produkteve shtëpiake Arnest Group do të marrë kontrollin mbi katër fabrika dhe interesat e Unilever në Bjellorusi. Arnest i përket biznesmenit Alexey Sagal dhe gjatë verës së kaluar bleu biznesin e prodhuesit të birrës Heineken në vend.

Unilever Rusia, që punëson rreth 3 mijë persona, zotëron të drejtat lokale për markat si kubikët Knorr, produktet Dove për larje dhe bukuri, lëngjet pastruese Domestos dhe Axe, i njohur në Britani si Lynx.

Unilever ka qenë nën presion të vazhdueshëm për të shitur degën e saj që nga fillimi i luftës në Ukrainë në shkurt 2022, pasi të tjera kompani të mëdha ndërkombëtare u larguan nga vendi.

Kushtet e marrëveshjes, të cilat duhet të miratohen nga qeveria ruse, nuk u bënë publike. Megjithatë, raportohet se shitja mund të ketë vlerë mbi 500 milionë euro për Unilever.

Drejtori Ekzekutiv i Unilever, Hein Schumacher, deklaroi: "Gjatë vitit të kaluar, kemi përgatitur me kujdes biznesin e Unilever në Rusi për një shitje të mundshme. Kjo punë ishte shumë komplekse dhe përfshinte ndarjen e platformave IT dhe zinxhirëve të furnizimit, si dhe transferimin e markave në alfabetin cirilik. Me përfundimin e shitjes, Unilever mbyll prezencën e saj në Rusi."