Albania News Agency

Kur u pyet nëse ky kanal komunikimi është ende aktiv, Peskov u përgjigj: "Jo. Tani kemi një kanal të mbrojtur posaçërisht për dy presidentët. Për më tepër, ky kanal mbështet edhe formatin e videokonferencës".

Peskov shtoi se kohët e fundit ky kanal i ri nuk është përdorur.

Sipas faqes zyrtare të Kremlinit, telefonata e fundit mes Presidentit të Rusisë Vladimir Putin dhe homologut të tij amerikan ndodhi më 12 shkurt 2022.

Linja Uashington-Moskë u krijua pas Krizës së Raketave Kubane për bisedime urgjente midis liderëve të BRSS dhe SHBA. Ajo filloi të funksiononte më 30 gusht 1963.

Gjatë Luftës së Ftohtë, linja përdorej për raste urgjente, por vitet e fundit presidentët e Rusisë dhe SHBA kanë komunikuar drejtpërdrejt përmes telefonit kur ka qenë e nevojshme.