Albania News Agency

Zelenski dhe Donald Trump uruan popujt e të dy vendeve me rastin e Ditës së Fitores kundër nazizmit.

Udhëheqësit mirëpritën miratimin nga Parlamenti i Ukrainës të marrëveshjes së partneritetit ekonomik mes dy vendeve dhe theksuan rëndësinë e kësaj marrëveshjeje historike që ofron shumë mundësi.

Gjithashtu diskutuan përpjekjet shtesë për arritjen e paqes dhe hapat konkretë që mund të ndërmerren në këtë drejtim.

Zelenski e informoi Trump-in për situatën në fushën e betejës dhe theksoi se Ukraina është e gatshme menjëherë për një armëpushim 30-ditor dhe pret që Rusia ta pranojë këtë propozim.

Trump konfirmoi se dëshiron përfundimin e luftës, është i gatshëm të ndihmojë dhe mbështet armëpushimin.