Albania News Agency

Presidenti Zelenski shpalli hyrjen në një fazë të re të bashkëpunimit mbrojtës me Holandën. Të dy vendet nënshkruan sot një memorandum mirëkuptimi për prodhimin e përbashkët të dronëve. Ai e përshkroi këtë hap si një nga fushat më premtuese të bashkëpunimit dypalësh.

Zelenski falënderoi qeverinë e Holandës, kryeministrin Dick Shoof dhe popullin holandez për mbështetjen e tyre gjithëpërfshirëse ndaj Ukrainës. Ai tha se që nga fillimi i luftës së plotë, ndihma e Holandës ka arritur në 9 miliardë dollarë dhe shprehu mirënjohje për kontributin prej afërsisht 600 milionë dollarësh në kuadër të nismës PURL.

Gjatë takimit me ministrin e mbrojtjes së Holandës, Ruben Brekelmans, u diskutuan zhvillimi i prodhimit të përbashkët të dronëve dhe zbatimi i kësaj nisme. Zelenski theksoi rëndësinë e forcimit të bashkëpunimit me Holandën dhe të solidaritetit ndërmjet popujve.