Albania News Agency

Zelensky bëri të ditur se gjatë konferencës ku morën pjesë mbi 30 vende dhe qindra kompani ndërkombëtare, janë nënshkruar mbi 200 marrëveshje me një vlerë që tejkalon 10 miliardë euro. Ai gjithashtu shtoi se Bashkimi Evropian ka shpallur një paketë të re ndihme me vlerë mbi 2 miliardë euro, Finlanda ka ofruar një program të veçantë prej 300 milionë eurosh dhe Holanda ka kontribuar gjithashtu me 300 milionë euro.

Zelensky theksoi se në konferencë u vu në pah edhe aspekti human i rindërtimit të Ukrainës, sidomos rëndësia e rikuperimit fizik, social dhe psikologjik.

Presidenti falënderoi të gjithë liderët dhe përfaqësuesit që morën pjesë në konferencë për përkrahjen dhe interesin ndaj popullit ukrainas, duke deklaruar: “Po vazhdojmë të punojmë për paqe të vërtetë, siguri dhe rimëkëmbje. Jemi mirënjohës për çdo njeri që sot qëndron pranë Ukrainës”.