Albania News Agency

Zelensky njoftoi se pas sulmit rus ndaj një ndërtese pesëkatëshe banimi në Zaporizhia, të gjitha ekipet e emergjencës u mobilizuan.

Ai tha se një person ka humbur jetën dhe dhjetëra të tjerë, mes tyre edhe fëmijë, janë plagosur. “Ishte sërish një ndërtesë banimi e zakonshme. Forcat e mbrojtjes ajrore dhe ekipet e emergjencës kanë vepruar edhe gjatë natës në rajone të tjera”, tha Zelensky.

Presidenti shtoi se rajonet Volyn, Dnipro, Donetsk, Zhytomyr, Zaporizhia, Ivano-Frankivsk, Kiev, Rivne, Sumy, Kharkiv, Khmelnytskyi, Cherkasy, Chernivtsi dhe Chernihiv janë prekur nga sulmi.

Ai theksoi se kanë parë reagimin e botës ndaj sulmit të mëparshëm, por Rusia edhe njëherë tregoi se nuk i kushton rëndësi fjalëve, ndaj presin veprime konkrete. Zelensky deklaroi:

“Është krejtësisht e qartë se Moska po e përdor kohën e lënë përgatitjes së një takimi në nivel liderësh për të kryer sulme të reja të mëdha. Mënyra e vetme për të rihapur dritaren e diplomacisë është të merren masa të ashpra kundër të gjithëve që financojnë ushtrinë ruse dhe të vendosen sanksione efektive ndaj Moskës, përfshirë ato bankare dhe energjetike.”

Zelensky përfundoi: “Kjo luftë nuk do të mbarojë vetëm me deklarata politike; nevojiten hapa konkretë. Presim veprime nga SHBA, Evropa dhe e gjithë bota.”