Albania News Agency

Presidenti i Ukrainës, Volodymyr Zelensky, deklaroi se sot kanë marrë një paketë të re energjetike nga Norvegjia. Ai shtoi: “Kjo është paketa e tretë këtë vit dhe përfshin rreth 150 milionë dollarë për blerjen e gazit për këtë dimër.”

Zelensky falënderoi kryeministrin norvegjez Jonas Gahr Støre për bisedimet dhe shprehu mirënjohje për solidaritetin dhe ngushëllimet e Norvegjisë. Ai tha gjithashtu se diskutuan për nevojat e Ukrainës në sistemet e mbrojtjes ajrore dhe raketat, si dhe për hapa të tjerë që mund të forcojnë vendin gjatë muajve të dimrit:

“Diskutuam gjithashtu bashkëpunimin tonë në fushën e mbrojtjes – prodhimin e dronëve dhe raketave, dhe zgjerimin e iniciativës PURL. Koordinuam qëndrimet tona dhe takimet e ardhshme që do të zhvillohen këtë javë në Evropë.”