Albania News Agency

Kryeministri Spajiç njoftoi hapjen e zyrës së EIB dhe uroi Davor Kunc për emërimin e tij si drejtues i zyrës së re.

Ai tha: “Kjo zyrë do të luajë një rol të rëndësishëm në zbatimin e projekteve të përbashkëta në kuadër të ciklit të madh investues që do të transformojë plotësisht vendin tonë.”

Në takim mori pjesë edhe nënkryetari i EIB, Robert de Groot. Spajiç kujtoi se banka ka investuar deri më tani mbi një miliard euro në gjithë territorin e Malit të Zi dhe shtoi: “Në të ardhmen, EIB do të mbështesë edhe më fuqishëm perspektivën tonë të zhvillimit në fusha prioritare si energjia, infrastruktura, transporti dhe tranzicioni i gjelbër.”