Albania News Agency

Kryetari i Këshillit të BE-së, Costa, bëri të ditur se vizitoi Emiratet e Bashkuara Arabe dhe u takua me Presidentin e vendit, Mohamed bin Zayed Al Nahyan.

Costa theksoi se EBA është një partner i rëndësishëm dhe i besueshëm për Bashkimin Evropian, jo vetëm për rajonin, por edhe përtej tij, në çështjet që lidhen me mirëqenien, stabilitetin dhe sigurinë. Ai shtoi: “BE-ja është e vendosur të forcojë marrëdhëniet dypalëshe përmes tregtisë, dialogut politik dhe sigurisë.”

Costa tha se me Al Nahyanin diskutuan çështje globale dhe rajonale, duke u fokusuar veçanërisht në Gazën dhe Ukrainën.