Albania News Agency

Drejtori i Përgjithshëm i OBSh-së, Ghebreyesus, tha se në spitalin El-Rantisi në Gaza, ku kishte 80 pacientë, është kryer një sulm. Nuk raportohen viktima, por sulmi shkaktoi panik te pacientët dhe stafi. “Është raportuar për dëme serioze në depozitat e ujit në çati, në sistemet e energjisë elektrike dhe komunikimit, si dhe në disa pajisje mjekësore,” tha ai.

Ai shtoi se 40 pacientë u evakuuan në një vend të sigurt, ndërsa 40 persona, përfshirë 4 fëmijë në kujdes intensiv dhe 8 të porsalindur, mbetën brenda.

“El-Rantisi është spitali i vetëm i specializuar për fëmijë në Rripin e Gazës, që ofron shërbime në onkologji, dializë, kujdes respirator dhe gastroenterologji,” theksoi Ghebreyesus.

Ai paralajmëroi se, ndërsa ndërhyrja ushtarake në Gaza po intensifikohet, spitalet, punonjësit shëndetësorë dhe pacientët kanë nevojë urgjente për mbrojtje. “Gaza nuk mund të humbasë më shumë spitale. Shëndeti nuk duhet të jetë kurrë shënjestër,” tha ai.