Albania News Agency

Bëhet e ditur se në vitin 2025 Kina është ngjitur në vendin e 10-të në Indeksin Global të Inovacionit.

Organizata Botërore e Pronësisë Intelektuale (WIPO) publikoi Raportin GII 2025. Sipas rezultateve, Zvicra, Suedia, SHBA, Republika e Koresë (Korea e Jugut) dhe Singapori janë në pesëshen e parë, ndërsa Kina u ngjit në vendin e 10-të, duke ruajtur pozitën lidere mes ekonomive me të ardhura të mesme.

Raporti thekson se Kina ka vazhduar vrullin e fortë në shpenzimet për K&Zh, eksportet e teknologjisë së lartë dhe prodhimet e inovacionit.

U vu në dukje se një grup ekonomish me të ardhura të mesme—me në krye Kinën, Turqinë dhe Indinë—po përmirëson vazhdimisht renditjen, ndërsa performanca e 17 ekonomive me të ardhura të ulëta e të mesme ka tejkaluar pritjet kundrejt nivelit të zhvillimit të tyre.

Sipas statistikave, norma e rritjes së K&Zh në vitin 2024 ra në 2,9%. WIPO parashikon se në 2025 rritja do të ngadalësohet më tej: rritja reale e shpenzimeve korporative për K&Zh, e ndikuar nga inflacioni, do të bjerë në 1%, shumë poshtë mesatares dhjetëvjeçare prej 4,6%.