Albania News Agency

Kryeministri i Suedisë, Kristersson, tha se kanë ardhur lajme jashtëzakonisht shqetësuese për shkeljen e hapësirës ajrore të Estonisë nga Rusia.

Ai theksoi se ky incident, ashtu si edhe shkeljet e tjera të fundit të hapësirës ajrore të vendeve të NATO-s nga Rusia, tregon edhe një herë seriozitetin e kërcënimit të Rusisë ndaj sigurisë evropiane dhe faktin se gatishmëria e tyre dhe e NATO-s po vihet vazhdimisht në provë:

“Forcat Ajrore të Suedisë janë vazhdimisht në gatishmëri të shpejtë për të reaguar ndaj ngjarjeve të tilla. Suedia, si anëtare e NATO-s, është në solidaritet me aleatët e saj dhe kontribuon në sigurinë e rajonit tonë.”