Albania News Agency

Kryeministri i Katarit, Sheikh Al Thani, u takua në Doha me Zëvendëskryeministrin e parë të Federatës Ruse, Denis Manturov.

Palët diskutuan mbi marrëdhëniet e bashkëpunimit dypalësh dhe mënyrat për t'i zhvilluar ato, veçanërisht në fushat tregtare, ekonomike dhe teknike.

Gjithashtu, në tryezë ishin zhvillimet e fundit të krizës Rusi-Ukrainë dhe disa çështje rajonale dhe ndërkombëtare me interes të përbashkët.

Al Thani ripërsëriti mbështetjen e Shtetit të Katarit për të gjitha përpjekjet ndërkombëtare për të gjetur një zgjidhje paqësore për krizën Rusi-Ukrainë përmes dialogut dhe mjeteve diplomatike.