Albania News Agency

Sipas deklaratës së Zyrës së Kryeministrit, Netanyahu theksoi se Izraeli është një vend i pavarur dhe se politikat e sigurisë përcaktohen nga vetë Izraeli. Ai tha:

“Sa i përket forcave ndërkombëtare, kemi bërë të qartë se Izraeli do të vendosë vetë se cilat forca janë të papranueshme për ne.

Gjatë muajit të fundit kemi parë pretendime qesharake në lidhje me marrëdhëniet midis SHBA-së dhe Izraelit. Kur isha në Uashington, thuhej se unë kontrolloja administratën amerikane dhe i diktoja politikën e sigurisë. Tani pretendohet e kundërta – se administrata amerikane më kontrollon mua dhe dikton politikën e sigurisë së Izraelit. Asnjëra nga këto nuk është e vërtetë. Izraeli është një vend i pavarur; SHBA është një vend i pavarur.”