Albania News Agency

Lazzarini tha se rifillimi i arsimit do të sillte shpresë, shërim dhe qëndrueshmëri mes shkatërrimeve.

Ai theksoi se kthimi i fëmijëve në Gaza në bankat e shkollës është një përparësi:

“Mosarritja e kësaj nuk do të sjellë gjë tjetër veç mbjelljes së farave të dëshpërimit dhe ekstremizmit. Para armëpushimit, mbi 60 mijë fëmijë përfitonin nga Zonat e Përkohshme të Mësimit të UNRWA-së të ngritura në strehimore komunitare për personat e zhvendosur. Këto zona u jepnin fëmijëve një pushim të shkurtër nga lufta dhe aktivitete bazë mësimore e lojërash.”

Pas hyrjes në fuqi të armëpushimit, numri i këtyre zonave është rritur për të mundësuar arsimin në zona të reja të aksesueshme, tha ai, duke shtuar: “Me afrimin e dimrit, na nevojiten urgjentisht mijëra tenda dhe mbulesa për t’i mbrojtur fëmijët nga të ftohtit.”

Lazzarini vuri në dukje se pothuajse të gjitha godinat shkollore janë shkatërruar ose dëmtuar rëndë: “Rindërtimi dhe riparimi i tyre kërkon kohë dhe burime. Nuk ka kohë për të humbur.”