Albania News Agency

Presidenti francez Emmanuel Macron deklaroi se Franca ka vendosur të njohë Shtetin e Palestinës.

Ai theksoi se këtë vendim do ta shpallë zyrtarisht në Asamblenë e Përgjithshme të Kombeve të Bashkuara në shtator: “Duhet të arrihet menjëherë një armëpushim, të lirohen të gjithë pengjet dhe të jepet ndihmë humanitare e gjerë për popullin e Gazës. Gjithashtu, Hamas duhet të çarmatosej, të sigurohet Gaza dhe të fillojë rindërtimi. Së fundi, duhet të ndërtohet një Shtet Palestinez, të sigurohet jetueshmëria e tij dhe me pranimin e çarmatimit dhe njohjen e plotë të Izraelit, të kontribuojë në sigurinë e të gjithë njerëzve në Lindjen e Afërt.”

Macron nënvizoi se populli francez dëshiron paqe në Lindjen e Afërt dhe shtoi:

“Të tregojmë që kjo paqe është e mundur është detyrë e jona – e francezëve, izraelitëve, palestinezëve, partnerëve evropianë dhe ndërkombëtarë. Në përputhje me zotimet që më dha Presidenti i Autoritetit Palestinez, i kam dërguar një letër për ta njoftuar se jam i vendosur të ecim përpara në këtë drejtim.”