Albania News Agency

Macron deklaroi se Franca ka reaguar shumë ashpër ndaj njoftimit për vendosjen e tarifës 30% për eksportet e BE-së që nga 1 gushti.

Ai theksoi se Komisioni Evropian ka përgjegjësinë më shumë se kurrë për të treguar vendosmërinë në mbrojtjen e interesave evropiane.

“Në këtë kuadër, Franca mbështet Komisionin Evropian dhe përkrah plotësisht intensifikimin e negociatave për të arritur një marrëveshje të pranueshme reciprokisht deri më 1 gusht. Kjo marrëveshje duhet të pasqyrojë respektin e ndërsjellë, interesat e përbashkëta dhe zinxhirët e integruar të vlerës ndërmjet partnerëve tregtarë si BE dhe SHBA,” tha Macron.