Albania News Agency

Presidenti francez Macron deklaroi se me nismën e Francës dhe Arabisë Saudite, 142 shtete kanë miratuar Deklaratën e Nju Jorkut për Zbatimin e Zgjidhjes me Dy Shtete.

Ai theksoi se së bashku është trasuar një rrugë e pakthyeshme drejt paqes në Lindjen e Mesme dhe shtoi: “Franca, Arabia Saudite dhe të gjithë partnerët do të mblidhen në Nju Jork në Konferencën për Zgjidhjen me Dy Shtete për të vënë në jetë këtë plan paqeje”.

Macron nënvizoi se një e ardhme tjetër nuk është e mundur: “Dy popuj, dy shtete; Izraeli dhe Palestina jetojnë pranë njëri-tjetrit në paqe dhe siguri. Është në duart tona ta bëjmë realitet!”