Albania News Agency

Ndërkohë, Mbretëria e Bashkuar, Irlanda, rajonet e Evropës Qendrore dhe rajonet juglindore, duke përfshirë Greqinë dhe Turqinë, ishin më të thata se zakonisht.

Kufiri kritik prej 1.5 gradë u përcaktua në samitin klimatik COP21 në vitin 2015, kur 196 vende nënshkruan Marrëveshjen e Parisit që është ligjërisht e detyrueshme. Palët ranë dakord të kufizojnë ngrohjen globale nën 1.5 gradë ose “dukshëm nën 2 gradë” mbi nivelet para-industriale. Ekspertët paralajmërojnë se tejkalimi i këtij kufiri mund të sjellë pasoja shkatërruese dhe potencialisht të pakthyeshme për sistemet jetike të Tokës që mbajnë planetin të banueshëm.

Viti i kaluar ishte viti i parë kalendarik me temperatura mbi 1.5 gradë dhe më i nxehti i regjistruar ndonjëherë.

Edhe pse kjo nuk do të thotë që kufiri kritik është tejkaluar përgjithmonë, shkencëtarët thonë se kjo është një paralajmërim i qartë se njerëzimi po i afrohet pikës pa kthim më shpejt se sa pritej.

Evropa, kontinenti që po ngrohet më shpejt, përjetoi temperatura mbi mesataren – mesatarja për rajonin ishte 6.03 gradë, që është 2.41 gradë mbi mesataren për marsin 1991–2020.

Udhëheqësja strategjike për klimën në Qendrën Evropiane për Parashikimet Afatmesme, Samantha Burgess, tha se kontinenti gjithashtu u ndikua nga “ekstremet e kundërta të reshjeve”. Rajonet me më shumë reshje përfshijnë Gadishullin Iberik, Norvegjinë, pjesë të Islandës dhe veriperëndimin e Rusisë. Ndërsa Britania, Irlanda, Evropa Qendrore, Greqia dhe Turqia ishin më të thata se zakonisht.

Australia gjithashtu përjetoi muajin mars më të nxehtë të regjistruar ndonjëherë, duke shënuar fundin e periudhës 12-mujore më të nxehtë në historinë e kontinentit.

Sipas Simon Grainger, klimatolog i lartë në Byroja Meteorologjike, sistemet me presion të ulët që zakonisht sjellin kushte më të ftohta në jugun e vendit në këtë periudhë nuk ndodhën muajin e kaluar. “Nuk pamë asnjëherë ulje të temperaturës gjatë muajit. Të gjitha janë pjesë e një modeli global të temperaturave rekord”, tha ai.