Albania News Agency

Meloni kujtoi se në tetor 2022, numri i të punësuarve në Itali ishte 23 milionë e 231 mijë.

Duke iu referuar të dhënave nga ISTAT, ajo theksoi se kjo shifër ka arritur mbi një milion më shumë deri në shkurt 2025. “Ky është mbi të gjitha fryt i punës së shumë ndërmarrjeve. Ne si qeveri u përpoqëm të bëjmë pjesën tonë. Në pak më shumë se dy vite, kemi punuar për të krijuar mundësi, për të mbështetur bizneset dhe për t’i dhënë dinjitet punës.”

Meloni shtoi se ideja e Italisë po formësohet hap pas hapi: “Ka ende shumë punë për të bërë dhe nuk do të ndalemi, sepse përgjigjja e parë për ata që duan një komb më të fortë dhe një të ardhme më të begatë është puna.”