Albania News Agency

Presidenti Milatoviç mori pjesë në pritjen e organizuar me ftesë të Kryetarit të Bashkësisë Islame të Malit të Zi, Rifat ef. Fejziq.

Ai uroi të gjithë besimtarët myslimanë në Mal të Zi dhe u dëshiroi ditë feste me mirëqenie, shëndet dhe lumturi familjare. “Kurban Bajrami, festa e forcës shpirtërore dhe unitetit, përcjell mesazhe universale për sakrificë, mirëkuptim dhe dhembshuri, duke na kujtuar rëndësinë e kujdesit për të tjerët dhe të bërjes së sakrificave të përditshme për të mirën e përbashkët,” tha ai.

Milatoviç theksoi se Kurban Bajrami inkurajon forcimin e urave të besimit, dialogut dhe mirëkuptimit të ndërsjellë.