Albania News Agency

Ministri i Jashtëm çek Jan Lipavsky theksoi se falë tubacionit TAL që kalon nga qyteti italian Trieste, importi i naftës nga Rusia ka marrë fund, duke theksuar se siguria energjetike e Çekisë ka qenë gjithmonë prioriteti kryesor i qeverisë.

Lipavsky tha: “Falë tubacionit TAL që kalon nga Trieste i Italisë, arritëm të ndalojmë importin e naftës ruse. Po ashtu kemi bërë përparim sa i përket gazit rus dhe karburantit për centralet tona bërthamore. Siguria energjetike e Çekisë ka qenë dhe mbetet gjithmonë një prioritet për qeverinë tonë. Rusia agresore e ka humbur fuqinë e shantazhit mbi vendin tonë; kjo është me rëndësi jetike si për sigurinë tonë, ashtu edhe për mirëqenien tonë të ardhshme. Në forumin ekonomik çeko-italian falënderova miqtë tanë italianë për bashkëpunimin e shkëlqyer, sidomos në fushën e energjisë.”