Albania News Agency

Projektligji, i propozuar nga partia e ekstremit të djathtë Chega, ndalon veshjen e burkës (veshje që mbulon trupin nga koka te këmbët) dhe nikabit (mbulesë islame që mbulon plotësisht fytyrën, duke lënë vetëm sytë të dukshëm) në shumicën e hapësirave publike. Përdorimi i tyre do të lejohet në avionë, ndërtesa diplomatike dhe vende fetare.

Projektligji parashikon gjoba nga 200 deri në 4,000 euro për personat që mbajnë mbulesë në publik.

Presidenti i Portugalisë, Marcelo Rebelo de Sousa, duhet ta miratojë ligjin. Ai mund ta nënshkruajë, ta kthejë për rishikim ose ta dërgojë në Gjykatën Kushtetuese.

Nëse miratohet, Portugalia do t’i bashkohet vendeve evropiane si Austria, Franca, Belgjika dhe Holanda, që kanë ndaluar plotësisht ose pjesërisht mbulesat fetare për fytyrën.

Partia Chega e justifikoi këtë ndalim duke iu referuar ligjeve franceze dhe të BE-së dhe mori mbështetje nga partitë e qendrës së djathtë.

Partia theksoi se fshehja e fytyrës i ekspozon njerëzit, sidomos gratë, ndaj “izolimit dhe poshtërimit” dhe bie ndesh me parimet e “lirisë, barazisë dhe dinjitetit njerëzor”.

Deputetët e majtë nuk u pajtuan me këtë qëndrim.

Deputeti socialist Pedro Delgado Alves, i cili votoi kundër, tha: “Kjo nismë përdoret vetëm për të goditur të huajt dhe njerëzit me besime të ndryshme.”

Ai shtoi se asnjë grua nuk duhet detyruar të mbajë mbulesë, por qasja e ekstremit të djathtë është e gabuar.