Albania News Agency

Presidenti Milatoviç deklaroi se zhvilloi një takim dypalësh me Mbretin Abdullah II gjatë sesioneve të samitit të liderëve të Procesit të Akabës.

Ai theksoi se gjatë takimit u nënvizua interesi i përbashkët për intensifikimin e dialogut politik në nivelin më të lartë në të ardhmen. U vlerësua se ekziston hapësirë për zhvillimin e marrëdhënieve dypalëshe, sidomos në fushën ekonomike dhe atë të sigurisë, përmes lidhjes së potencialeve ekonomike të të dy vendeve.

Milatoviç informoi Mbretin Abdullah II për përparimin e përgjithshëm që ka bërë Mali i Zi kohët e fundit dhe për përpjekjet për të arritur sa më shpejt objektivin strategjik të politikës së jashtme – anëtarësimin e plotë në Bashkimin Evropian.