Albania News Agency

Kryeministri izraelit Netanyahu realizoi një vizitë në SHBA dhe u takua me Presidentin Trump në Shtëpinë e Bardhë.

Pas takimit, të dy liderët bënë një deklaratë të përbashkët në Zyrën Ovale.

Duke theksuar rëndësinë e çështjeve të diskutuara, Netanyahu tha: “Sigurisht, më e rëndësishmja janë tarifat doganore. Kjo prek të gjithë. Do të eliminojmë deficitin tregtar me SHBA-në. Kjo është e nevojshme dhe do të heqim pengesat për tregtinë. Izraeli do të jetë një model për vendet e tjera.”

“Do të heqim tarifat doganore për SHBA-në”

Netanyahu deklaroi se do të heqin shpejt tarifat doganore për SHBA-në dhe shtoi: “Nuk po flasim për qëllime apo synime. Po flasim për rezultate. Do të heqim tarifat doganore për Shtetet e Bashkuara.”

Ai theksoi se çështja e pengjeve është jashtëzakonisht e dhimbshme dhe se po punohet për një marrëveshje të re.

“Duam të shmangim çdo konflikt”

Netanyahu tha: “Marrëdhëniet midis Turqisë dhe Amerikës janë jashtëzakonisht të mira. Marrëdhëniet tuaja me liderin turk gjithashtu janë jashtëzakonisht të mira. Ne duam të shmangim konfliktet. Me ndihmën e SHBA-së, do të jetë më e lehtë të shmangim një rrezik të tillë.”

Ai shtoi se qëllimi i tyre i përbashkët në lidhje me Iranin është që ky vend të mos ketë kurrë armë bërthamore.

“Po zhvillojmë bisedime të drejtpërdrejta me Iranin”

Presidenti Trump deklaroi: “Të shtunën do të kemi një takim shumë të rëndësishëm. Do të shohim se çfarë do të ndodhë.”

Ai tha se për vite me radhë SHBA-ja është shfrytëzuar nga shumë vende dhe kjo nuk mund të vazhdojë më.

“Ne lejuam që Kina të bëhet një vend i pasur”

Trump vuri në dukje: “Ata vendosën një tarifë shtesë prej 34% mbi tarifat tashmë absurde. Nëse deri nesër në mesnatë këto tarifa nuk hiqen, do të shtojmë edhe 50% të tjera.”

“Po punojmë intensivisht për çështjen e pengjeve”

Ai tha se po punohet për një armëpushim të ri për lirimin e pengjeve.

“Nuk dua ta them këtë, por Irani nuk mund të ketë armë bërthamore,” shtoi Trump.

“Kam marrëdhënie të shkëlqyera me Turqinë dhe liderin e saj”

Trump tha: “Kam marrëdhënie të shkëlqyera me një njeri të quajtur Erdogan. E dua atë, ai gjithashtu më do mua. I thashë kryeministrit, nëse keni një problem me Turqinë, mendoj se mund ta zgjidh. Kam marrëdhënie të mira me Turqinë dhe liderin e saj dhe nuk mendoj se do të ketë problem.”