Albania News Agency

Megjithatë, ai nuk tha nëse do të pranonte të zhvillonte bisedime paqeje me presidentin e Ukrainës Volodimir Zelenski nën ndërmjetësimin e Trumpit. Mesa duket, Trumpi kishte caktuar të hënën si afatin e fundit që Putini të përgjigjej.

Duke folur në samitin e Organizatës së Bashkëpunimit të Shangait në Kinë, Putini vazhdoi të mbronte vendimin për të pushtuar Ukrainën dhe përsëri fajësoi Perëndimin për luftën.

Ai falënderoi liderët e Kinës dhe Indisë për mbështetjen e tyre dhe përpjekjet e tyre "për të lehtësuar zgjidhjen e krizës ukrainase".

Kina dhe India janë blerësit më të mëdhenj të naftës së papërpunuar ruse dhe përballen me kritika se mbështesin ekonominë ruse të goditur nga lufta.

Putini gjithashtu tha se shpresonte që "marrëveshjet" e arritura gjatë takimit me Trumpin në Alaskë "të hapin rrugën për paqe në Ukrainë".

Ai përsëriti gjithashtu mendimin se "ky krizë nuk është rezultat i sulmit të Rusisë ndaj Ukrainës, por pasojë e një grushti shteti në Ukrainë të mbështetur dhe nxitur nga Perëndimi".

Gjithashtu ai e lidhi luftën me "përpjekjet e vazhdueshme të Perëndimit për të përfshirë Ukrainën në NATO".

Presidenti rus vazhdimisht ka kundërshtuar idenë e anëtarësimit të Ukrainës në aleancën ushtarake perëndimore.