Albania News Agency

Greva e makinistëve të trenave, shoferëve të autobusëve dhe tramvajeve, pjesëmarrja e punonjësve të spitaleve në protesta dhe farmacistët që protestuan kundër politikave të çmimeve çuan në mbylljen e nëntë nga dhjetë farmaci dhe në ndërprerje të transportit publik.

Rreth një në gjashtë mësues në shkollat fillore dhe të mesme, si dhe punonjësit e mensave shkollore dhe inspektorët, gjithashtu hynë në grevë.

Shumë gjimnaze nga Parisi deri në Amiens dhe Le Havre u bllokuan nga nxënësit.

Protestuesit organizuan mbi 250 demonstrata dhe marshime në shumë qytete – nga Parisi deri në Marsejë, Nantë, Lion dhe Monpelje.

Grevë dhe protestat ndodhën në një periudhë krize politike në Francë.

Javën e kaluar, Macron emëroi aleatin e tij të ngushtë Lecornu si kryeministër të tretë brenda një viti, pasi parlamenti rrëzoi dy paraardhësit – François Bayrou dhe Michel Barnier – për shkak të mosmarrëveshjeve të ashpra mbi shkurtimet buxhetore.

Lecornu u emërua pasi paraardhësi i tij centrist Bayrou dështoi në votëbesimin e 8 shtatorit për shkak të planit jopopullor për tkurrjen e buxhetit me 44 miliardë euro (38 miliardë £) dhe programin e shtrëngimit për të ulur borxhin publik të Francës.