Albania News Agency

Në një deklaratë nga UNRWA për situatën e fundit në Gaza dhe Bregun Perëndimor, thuhet se ndihma dhe furnizimet humanitare nuk kanë hyrë në Gazë për më shumë se 9 javë.

Po ashtu thuhet se më 6 maj, forcat izraelite kanë sulmuar dy herë një strehë të ngritur në një shkollë të UNRWA-së në Gaza, duke vrarë të paktën 30 persona të zhvendosur, përfshirë gra dhe fëmijë.

“Më 1 maj, në kampet e refugjatëve në Tulkarem dhe Nur Shams në Bregun Perëndimor, janë dhënë dy urdhra për shembje që përfshinin gjithsej 106 shtëpi. Më 8 maj, forcat izraelite të armatosura rëndë hynë në tre shkolla të UNRWA-së në kampin Shu’fat në Jerusalemin Lindor të pushtuar, për të zbatuar urdhrat e paligjshëm të mbylljes të dhëna më 8 prill 2025, dhe detyruan mbi 550 fëmijë të largohen nga shkollat e tyre.”