Albania News Agency

Sipas The Guardian, Trump njoftoi në platformën Truth Social se të dy palët ranë dakord që zyrtarë të lartë, përfshirë ministrat e jashtëm, të takohen javën e ardhshme në një vend ende të pacaktuar.

Ai shtoi gjithashtu se do të takohet përsëri me Putinin në Budapest, duke thënë: “A mund ta përfundojmë këtë luftë ‘të turpshme’ midis Rusisë dhe Ukrainës? Do ta shohim.”

Pas bisedës, Trump deklaroi se nesër do të takohet me presidentin ukrainas Volodimir Zelenski në Shtëpinë e Bardhë dhe shtoi: “Besoj se sot është bërë përparim i madh.”

Trump tha gjithashtu se beson që suksesi në Lindjen e Mesme do të ndihmojë negociatat për t’i dhënë fund luftës Rusi-Ukrainë. Ai tregoi se Putini e ka falënderuar Melania Trump për punën e saj me fëmijët dhe se përpjekjet e saj do të vazhdojnë. Të dy liderët gjithashtu kanë diskutuar marrëdhëniet tregtare SHBA-Rusi pas luftës.