Albania News Agency

Presidenti Trump, duke folur për luftën midis Rusisë dhe Ukrainës, tha se me një SHBA të fortë dhe një lidership të vërtetë, kjo luftë nuk do të kishte shpërthyer kurrë. Ai theksoi se konflikti nuk ndodhi gjatë mandatit të tij të parë, por nisi nën administratën Biden. “Nëse zgjedhjet presidenciale të vitit 2020 nuk do të ishin manipuluar dhe vjedhur, lufta Rusi-Ukrainë nuk do të kishte ndodhur”, tha ai.

Trump tha se lufta ka shkaktuar humbje të panevojshme për miliona njerëz, duke shtuar se Ukraina nuk po shpreh mjaft mirënjohje për përpjekjet e SHBA-së dhe se Evropa vazhdon të blejë naftë nga Rusia. Ai theksoi se SHBA vazhdon të shesë sasi të mëdha armësh për NATO-n dhe Ukrainën, ndërsa sipas tij Biden “ua jep gjithçka falas”.

Ai e mbylli fjalimin me fjalët: “Zoti i bekoftë të gjithë ata që humbën jetën në këtë katastrofë njerëzore”.