Albania News Agency

Zelensky deklaroi se mjekët në rajonin e Sumyt kanë ofruar të gjithë ndihmën e nevojshme për të plagosurit nga sulmi rus.

Ai theksoi se pothuajse çdo ditë ndodh një vrasje, ndërsa SHBA, Evropa dhe aktorë të tjerë globalë i bëjnë thirrje Rusisë të pranojë një armëpushim dhe të fillojë negociatat për t’i dhënë fund luftës.

“Megjithatë, Rusia vazhdon të jetë plotësisht e përkushtuar ndaj luftës dhe këtë e tregon me sulmet dhe deklaratat e saj. E gjithë kjo është një argument për sanksione të reja dhe më të ashpra kundër Rusisë. Jam mirënjohës për të gjithë amerikanët dhe evropianët që mbështesin qasjen për ta detyruar Rusinë të pranojë paqen – kjo është jashtëzakonisht e rëndësishme. Rusia duhet të ndiejë se çfarë do të thotë me të vërtetë lufta.”