Albania News Agency

Friedrich theksoi se në këtë ditë nderojnë qëndrueshmërinë e të gjitha vajzave që ndodhen në vijën e parë të krizave, veçanërisht të atyre që janë zhvendosur me forcë në veri të Bregut Perëndimor.

Ai tha se mbi 6000 vajza në kampet Jenin, Tulkarem dhe Nur Shams janë ende larg shtëpive të tyre, me arsimin e ndërprerë dhe të ardhmen e pasigurt. “Më shumë se 60% e 48 mijë nxënësve në shkollat e UNRWA në Bregun Perëndimor janë vajza. Këto vajza një ditë do të bëhen gra – mjeke, avokate, shkencëtare, programere, gazetare, mësuese dhe politikane që do t’i shërbejnë shoqërisë. Për shtatë dekada, UNRWA ka ndihmuar brezat e vajzave palestineze të zhvillojnë aftësitë e tyre jetësore,” tha ai.

Ai shtoi se, ndërsa bota feston 30-vjetorin e Deklaratës së Pekinit, UNRWA në Bregun Perëndimor riafirmon përkushtimin për të mbrojtur të ardhmen e refugjatëve palestinezë, përfshirë vajzat.