Albania News Agency

Në një postim në rrjetet sociale, Zelenski shkroi: “Bisedova me Presidentin Emmanuel Macron. Jam mirënjohës Francës për përpjekjet e saj në mbrojtjen e jetës.” Ai theksoi se ndër nevojat kryesore të Ukrainës janë sistemet e mbrojtjes ajrore dhe raketat.

Zelenski theksoi se Rusia po i shton sulmet duke përfituar nga zhvillimet në Lindjen e Mesme dhe nga axhendat e brendshme të vendeve të tjera: “Sulmet e Rusisë janë bërë më të egra se kurrë më parë. Po punojmë për t’u përballur me to,” tha ai.

Ai gjithashtu deklaroi se Ukraina po bashkëpunon me Francën për zgjerimin e nismës PURL dhe se në javët e ardhshme do të vazhdojë kontaktet diplomatike me partnerë të tjerë për të rritur presionin ndaj Rusisë.