Albania News Agency

Macron, në një postim në rrjetet sociale, theksoi se marrëveshja e arritur në Gaza jep shpresë për paqe në Lindjen e Mesme, duke shtuar: “Ndërsa një rreze shprese për paqe po lind në Lindjen e Mesme, lufta në Ukrainë gjithashtu duhet të përfundojë.”

Ai theksoi se nëse Rusia refuzon të ulet në tryezën e negociatave dhe vazhdon luftën, do të përballet me pasojat: “Franca dënon sulmet ruse ndaj infrastrukturës kritike të Ukrainës dhe kundër civilëve. Këto sulme të ndërmarra para dimrit synojnë popullsinë civile.”

Macron shtoi se Franca, së bashku me partnerët e saj, po punon për të ofruar ndihmën e nevojshme për rikthimin dhe sigurimin e shërbimeve bazë në Ukrainë.