Albania News Agency

Presidenti i Sirisë, Ahmed al-Sharaa, në deklaratën e tij lidhur me kontaktet në Nju Jork, tha se zhvilluan takime që synojnë forcimin e partneriteteve të vendit dhe hapjen e horizonteve të reja për një të ardhme që do të formësohet nga vullneti i popullit sirian.

Al-Sharaa deklaroi se nga foltorja e Asamblesë së Përgjithshme të OKB-së kanë përcjellë zërin e Sirisë, duke shtuar se kontaktet në Nju Jork kanë kontribuar në forcimin e pranisë së vendit në komunitetin e kombeve.

Al-Sharaa tha: “Kjo shërbeu për të hapur horizonte më të gjera për një të ardhme që do të formësohet nga vullneti i popullit sirian dhe në të cilën Siria do të rifitojë vendin dhe rolin që meriton.”