Albania News Agency

Ministri i Jashtëm i Lituanisë, Kestutis Budrys, u bëri thirrje partnerëve ndërkombëtarë të rrisin mbështetjen për mbrojtjen ajrore të Ukrainës pas sulmeve të fundit ajrore ruse ndaj Kievit.

Budrys e cilësoi Rusinë si një "shtet terrorist", duke deklaruar se Kievi u përball edhe një herë me sulme nate me dronë dhe raketa që kishin në shënjestër civilët.

Ai tha se të paktën 17 persona humbën jetën dhe 44 të tjerë u plagosën, duke e përshkruar ngjarjen si "terrorizëm të pastër".

Ministri lituanez theksoi se Ukraina ka nevojë urgjente për më shumë sisteme të mbrojtjes ajrore dhe tha: "Çdo raketë e interceptuar do të thotë një jetë e shpëtuar."

Budrys shtoi gjithashtu se Kremlini kupton vetëm forcën dhe se komuniteti ndërkombëtar duhet të rrisë presionin mbi Rusinë dhe ta detyrojë Moskën të ulet në tryezën e negociatave.