Albania News Agency

Sipas analistëve, pritjet për tepricë të ofertës së naftës kanë tejkaluar rreziqet gjeopolitike. Investitorët presin këtë javë raportet e Agjencisë Ndërkombëtare të Energjisë (IEA) dhe të OPEC+, që bashkon vendet e OPEC-ut dhe Rusinë.

IEA, në mes të tetorit, parashikoi një tepricë të rëndësishme për vitin 2026, ndërsa OPEC+ muajin e kaluar e rishikoi parashikimin e tremujorit të tretë nga “mungesë” në “tepricë”.

Një zhvillim tjetër që shtyu çmimet më poshtë ishte rifillimi i prodhimit në fushën naftës West Qurna-2 të Lukoil, e cila përfaqëson 0.5% të ofertës globale, pas mbylljes së përkohshme për shkak të një rrjedhjeje në tubacionin e eksportit, sipas raporteve të publikuara të hënën.

Këto zhvillime në ofertë kompensuan në masë të madhe rreziqet gjeopolitike të shkaktuara nga ndërprerja e bisedimeve të paqes në Ukrainë dhe tensionet e shtuara midis SHBA-së dhe Venezuelës. Investitorët gjithashtu po ndjekin vendimin e Rezervës Federale të SHBA, e cila pritet të ulë normën e interesit me 25 pikë bazë, një hap që mund të rrisë aktivitetin ekonomik dhe kërkesën për energji.