Albania News Agency

Takimi Vjetor i Forumit Ekonomik Botëror (WEF), i organizuar tradicionalisht çdo vit në qytetin e Davosit në Zvicër, mblodhi mendimtarë kryesorë nga mbarë bota. Samiti i këtij viti, i zhvilluar me temën "Bashkëpunimi për një Epokë të Mençur", mblodhi më shumë se 3 mijë pjesëmarrës, përfshirë krerë shtetesh, zyrtarë qeveritarë, liderë të biznesit, akademikë, përfaqësues të medias, organizata joqeveritare dhe liderë të rinj. Gjatë takimeve u diskutuan problemet globale dhe zgjidhjet e mundshme, duke u theksuar strategjitë e qëndrueshmërisë dhe nevoja për bashkëpunim global të bazuar në veprime.

CEO i Sabancı Holding, Cenk Alper, ishte sërish këtë vit një nga liderët që përfaqësoi botën turke të biznesit në Davos. Cenk Alper mori pjesë në panelin "Harmonizimi me Tregjet e Tre Natyrave", i cili u zhvillua në ditën e dytë të aktivitetit dhe tërhoqi shumë mendimtarë në fushën e qëndrueshmërisë.

Duke ndarë skenën me CEO-n e Carbon Disclosure Project (CDP) Sherry Madera, Drejtorin Ekzekutiv të Greenpeace Mads Christensen dhe Presidentin e Singaporit Tharman Shanmugaratnam, Cenk Alper theksoi rëndësinë e trajtimit të qëndrueshmërisë si një ekonomi e re dhe nevojën që kompanitë të sillen me përgjegjësi në menaxhimin e karbonit, ujit dhe biodiversitetit për arritjen e objektivave të vitit 2050.

"Kostoja më e madhe për bizneset tona është mosveprimi"

Cenk Alper deklaroi: "Ne kemi kaluar tashmë pikën ku diskutohej ekzistenca e rreziqeve të fokusit në qëndrueshmëri. Sot jemi në një fazë ku të gjitha palët e interesuara duhet të veprojnë, jo vetëm të diskutojnë. Sot në botë po lind një ekonomi e re me fokus qëndrueshmërinë. Për të përfituar nga mundësitë që kjo ekonomi e re ofron, duhet të mos i nënshtrim natyrës punët tona, por t'i përshtatim punët tona me natyrën. Kjo nuk krijon një kosto shtesë; përkundrazi, mosveprimi është kostoja më e madhe për bizneset tona."

Alper gjithashtu theksoi rëndësinë e zgjidhjeve të kredive dhe financimit në fushën e karbonit, ujit dhe biodiversitetit për arritjen e qëllimeve të qëndrueshmërisë: "Megjithatë, nëse përpiqemi t'i zbatojmë të gjitha këto njëkohësisht, mund të humbasim shumë kohë. Nuk kemi luksin të humbasim më shumë kohë në arritjen e objektivave të qëndrueshmërisë. Prandaj, avancimi hap pas hapi është shumë më i dobishëm sesa të presim për të realizuar të gjitha hapat njëkohësisht. Ndërkohë, arritjet e industrisë së teknologjisë mund të jenë një shembull i dobishëm për botën e qëndrueshmërisë. Ashtu si në botën e teknologjisë ku një produkt del në treg dhe përmirësohet vazhdimisht bazuar në kërkesën, edhe në qëndrueshmëri mund të krijohet një model biznesi i tillë fleksibël."