Albania News Agency

Sipas gazetës Mainichi, Gjykata e Lartë e Tokios arriti në përfundimin se dispozitat aktuale të Kodit Civil që ndalojnë martesat e të njëjtit seks janë ende “të arsyeshme” në kushtet aktuale. Ky vendim bie ndesh me pesë vendimet e mëparshme të gjykatave të larta në Sapporo, Tokio, Nagoya, Osaka dhe Fukuoka, të cilat kishin deklaruar se mosnjohja ligjore e martesave të të njëjtit seks shkel Kushtetutën. Megjithatë, të gjitha kishin refuzuar kërkesat për kompensim.

Kryetarja e gjykatës, Ayumi Higashi, e cila dha vendimin për çështjen e gjashtë dhe të fundit që sfidonte ndalimin, tha se dispozitat mbi martesat e të njëjtit seks “duhet të diskutohen së pari në mënyrë të gjerë në parlament”.

Pritet që Gjykata Supreme e Japonisë të marrë një vendim të përbashkët jo më herët se vitin e ardhshëm.

Në çështjen e fundit, tetë paditës të moshave 40 deri 60 vjeç kërkuan kompensim prej 1 milion jen (6400 dollarë) secili, duke argumentuar se ndalimi shkel të drejtën kushtetuese për barazi dhe lirinë për t’u martuar.