Albania News Agency

Përmbajtja e trilluar u përzie me video dhe fotografi reale të avionëve amerikanë që fluturonin mbi kryeqytetin e Venezuelës dhe me shpërthime që ndriçonin qiellin e errët. Mungesa e informacionit të verifikuar për bastisjen dhe aftësitë në zhvillim të shpejtë të mjeteve të AI e bënë të vështirë dallimin e fakteve nga trillimi.

Kur Trump publikoi një fotografi të verifikuar të Maduros me sy të lidhur, duar të prangosura dhe i veshur me kostum sportiv gri në bordin e anijes luftarake USS Iwo Jima, imazhet e rreme që përfshinin agjentë të Administratës Amerikane kundër Drogës (DEA) kishin bërë tashmë xhiron e rrjeteve.

Sipas faqes së verifikimit të fakteve NewsGuard, fotografitë e krijuara nga AI në X, Instagram, Facebook dhe TikTok janë parë dhe shpërndarë miliona herë.

Redaktorja e lartë e NewsGuard për dezinformimin dhe teoritë e konspiracionit, Sofia Rubinson, i tha Guardian se pamjet e rreme të Karakasit i ngjajnë ngjarjeve reale dhe kjo e bën edhe më të vështirë dallimin e së vërtetës.

Rubinson tha: “Shumica e imazheve të krijuara nga AI dhe jashtë kontekstit që po mbushin aktualisht rrjetet sociale nuk i shtrembërojnë ndjeshëm faktet në terren.

Megjithatë, trillimet e krijuara nga AI dhe pamjet dramatike jashtë kontekstit po përdoren për të mbushur boshllëqet në lajmet në kohë reale dhe përfaqësojnë një taktikë tjetër në luftërat e dezinformimit; për shkak se pamjet shpesh duken të besueshme, kjo e bën edhe më të vështirë punën e verifikuesve të fakteve”, shtoi ajo.

NewsGuard tha se shtatë fotografitë dhe videot mashtruese që ka identifikuar kanë marrë mbi 14 milionë shikime vetëm në X.