Albania News Agency

Ministria e Jashtme e Izraelit njoftoi se janë nisur dy hetime penale lidhur me incidentet në Gaza ku janë dëmtuar civilë.

Në deklaratën e ministrisë thuhet se Forcat e Mbrojtjes së Izraelit (IDF) kanë vendosur të nisin dy hetime penale lidhur me incidente tragjike në të cilat civilët janë dëmtuar gjatë luftimeve kundër terroristëve në Gaza.

Në deklaratë u argumentua se hetimet tregojnë fuqinë e sistemit izraelit të zbatimit të ligjit, si dhe angazhimin ndaj transparencës dhe llogaridhënies.

U bë e ditur se Izraeli do të vazhdojë të ruajë standardet më të larta të sundimit të ligjit, përfshirë edhe luftën kundër organizatave terroriste.