Albania News Agency

Zëvendëspresidentja e Komisionit Evropian Kaja Kallas dënoi sulmin e Huthive ndaj aeroportit ndërkombëtar në Riad, kryeqyteti i Arabisë Saudite.

Në deklaratën e saj, Kallas e cilësoi sulmin si një “akt të tmerrshëm terrorist” dhe tha se sulmet pa dallim ndaj civilëve dhe infrastrukturës civile nuk mund të justifikohen në asnjë mënyrë.

Kallas tha se Bashkimi Evropian qëndron në solidaritet me Arabinë Saudite, shprehu ngushëllime për familjet e viktimave dhe u uroi shërim të shpejtë të plagosurve. Ajo shtoi se është në kontakt të ngushtë me ministrin e Jashtëm të Arabisë Saudite, Faisal bin Farhan.

Kallas bëri të ditur se ministrat e Jashtëm të Bashkimit Evropian do të diskutojnë të hënën tensionet në rritje në rajon. Ajo tërhoqi vëmendjen mbi rëndësinë e forcimit të koordinimit ndërmjet misionit detar të BE-së Aspides, që vepron në Detin e Kuq, dhe Koalicionit Shumëkombësh të Mbrojtjes Detare të udhëhequr nga Arabia Saudite.