Albania News Agency

Sipas CCTV, Kili dhe Argjentina po përballen me valë intensive të nxehtësisë, me temperatura deri në 40 gradë.

Të mërkurën, në qendër të kryeqytetit argjentinas Buenos Aires, temperatura në diell i kaloi 42 gradët, ndërsa në hije ishte rreth 39 gradë.

Sipas parashikimeve meteorologjike, vala aktuale e të nxehtit në Argjentinë pritet të zgjasë deri në fillim të janarit 2026. Shërbimi Kombëtar Meteorologjik i Argjentinës lëshoi paralajmërime për shkak të temperaturave të larta dhe u rekomandoi qytetarëve të shmangin daljet në mesditë dhe pasdite, të konsumojnë shumë lëngje dhe të marrin masa kundër goditjes nga nxehtësia.