Albania News Agency

Organizata drejtuese e futbollit evropian kishte gjobitur Brann me 5 mijë euro për “mesazhe provokuese dhe fyese” gjatë një ndeshjeje të Ligës së Kampioneve për femra, dhe kishte refuzuar apelimin e klubit të bërë në mars të vitit të kaluar.

Klubi Brann ishte gjobitur edhe për një incident tjetër dhe e çoi çështjen në CAS, i cili vendosi që rregullat e UEFA-s duhet të interpretohen në dritën e të drejtave themelore të njeriut, si liria e shprehjes.

Kryetari i Brann, Aslak Sverdrup, tha se ishin shumë të kënaqur me vendimin e CAS-it: “Nuk ndodh çdo ditë që një klub nga Norvegjia të përfaqësojë të gjithë futbollin evropian, por sot po e bëjmë këtë. Në një botë ku liria e fjalës është nën sulm, ky është një vendim i rëndësishëm dhe i drejtë.”

Brann njoftoi se vendimet e komisionit disiplinor dhe atij të apelimit të UEFA-s janë anuluar.

Në një deklaratë të UEFA-s thuhet: “Në këtë rast, CAS nuk ka konfirmuar në asnjë mënyrë që liria e shprehjes e justifikon përdorimin e shprehjeve fyese nga ‘tifozët’.”

“Gjithashtu, CAS konfirmoi që UEFA ka një interes legjitim rregullator për të siguruar rendin publik dhe për të parandaluar trazirat apo sjelljen e papërshtatshme gjatë një ndeshjeje futbolli.”

“Organet disiplinore të UEFA-s do të vazhdojnë të zbatojnë politikën e tolerancës zero ndaj sjelljeve të papërshtatshme për të siguruar që ndeshjet të mos përfshijnë dhunë, racizëm apo sjellje fyese.”