Albania News Agency

Carney bëri një deklaratë lidhur me zjarret pyjore që vazhdojnë në provincën British Columbia.

Në një postim në rrjetet sociale, ai tha se qëndron pranë të gjithë atyre, jeta e të cilëve është prekur nga zjarret. Carney theksoi se zjarri pyjor në zonën Bradley Creek ka detyruar mijëra njerëz të largohen nga shtëpitë e tyre gjatë ditëve të fundit.

Kryeministri kanadez falënderoi ekipet e zjarrfikësve, punonjësit e reagimit të parë dhe vullnetarët që punojnë në terren për të garantuar sigurinë e qytetarëve, duke theksuar se ata po kryejnë një detyrë të rëndësishme në kushte të vështira.

Carney tha se në emër të popullit kanadez vlerëson punën e të gjitha ekipeve që po luftojnë kundër zjarreve.