Albania News Agency

Kryetarja e KE Ursula von der Leyen tha se zhvilloi një bisedë pozitive me Presidentin e SHBA Donald Trump mbi forcimin e përpjekjeve të përbashkëta për të rritur presionin ekonomik ndaj Rusisë me masa shtesë.

Leyen theksoi se Komisioni së shpejti do të paraqesë paketën e 19-të të sanksioneve, e cila synon kriptovalutat, bankat dhe energjinë, duke shtuar:

“Ekonomia e luftës e Rusisë, që mbahet gjallë nga të ardhurat e karburanteve fosile, po financon gjakderdhjen në Ukrainë. Komisioni do të propozojë ndalimin gradual të importit të karburanteve fosile nga Rusia për t’i dhënë fund kësaj.”